[Pos. 1. Estampetas cuatrilingües]     [Pos. 2. Estampetas bilingües]     [Pos. 3. Estampetas molingües]     [Pos. 4. Autonomía postal]     [Pos. 5. Soluzión mista]     

En ista paxina se describen diferens posibilidaz teunicas ta aplicar a proposa d'inclusión d'as luengas diferens d'o castellano en as estampetas españolas. A Organizazión por o Multilingüismo (OM) no promuebe denguna d'istas posibilidaz en particular y las presenta astí sólo que a tetulo informatibo.

A tamas de que o testo fabla nomás de "estampetas", cal replecar-ie que istas posibilidaz son aplicables igual a las estampetas propiamén ditas como a las estampetas automaticas de franqueyo bariable, as etiquetas postals, as etiquetas postals remeratibas, as postals, as tarxetas decorreyo, os aerogramas, as prebas de luxo, as prebas ofizials remeratibas y cualsiquier atro efeuto postal emitiu por a Fábrica Nacional de Moneda y Timbre (FNMT). A tamas de que o testo no menziona ista custión, tamién cal replecar-ie que as estampetas y toz os atros efeutos postals españols han de contrebuyir con a triga d'os suyos motibos a la espardidura d'a dibersidá lingüistica española.

Como ye sabiu, en España s'ha feito una distinzión entre as luengas diferens d'o castellano que son ofizials en as suyas comunidaz autonomas seguntes os suyos estatutos (catalán, gallego y basco) y as atrás luengas que no tienen ista considerazión (aragonés, asturiano y oczitano d'a Bal d'Arán). As proposas que astí se presentan son endrezadas ta asigurar como menimo a presenzia d'o catalán, d'o gallego y d'o basco en as estampetas españolas, sin escartar l'adecuada ripresentazión tamién d'as atras luengas fabladas en o territorio español.