[Pos. 1. Sellos cuadrillingües]     [Pos. Sellos billingües]     [Pos. 3. Sellos monollingües]     [Pos. 4. Autonomía postal]    [Pos. 5. Solución mista]

Nesta páxina descríbense dixebraes posibilidaes téuniques pa llevar alantre la propuesta d'inxertar les llingües distintes del castellanu nos sellos españoles. La Organización pol Multillingüismu (OM) nun entama nenguna d'estes posibilidaes en particular y amuésales equí namái qu'a títulu informativu.

Anque'l testu fala sólo de "sellos" entiéndese qu'estes posiblidaes puen aplicase tanto a los sellos en sigo como a los sellos automáticos de franquéu camudable, a les etiquetes postales, a les etiquetes postales conmemoratives, a les postales, a les tarxetes de corréu, a los aerogrames, a les pruebes de luxu, a les pruebes oficiales conmemoratives y a cualuquier otru efeutu postal fechu pola Fábrica Nacional de Moneda y Timbre (FNMT). Anque'l testu nun fala d'esti tema, entiéndese tamién que los sellos y tolos demás efeutos postales españoles tienen que contribuyir cola escoyeta de los sos motivos al espardimientu de la bayura llingüística española.

Como ye persabío, n'España perllantóse un finxu ente les llingües distintes del castellanu que nun son oficiales nes sos comunidaes autónomes acordies colos sos estatutos (catalán, gallegu, euskera) y les otres llingües que nun tienen esti atributu (aragonés, asturianu y occitanu del Valle d'Arán). Los entamos que s'ufierten equí tán empobinaos a garantar como mínimo la presencia del catalán, del gallegu y del euskera nos sellos españoles, ensin desdexar una representación axeitada de les otres llingües que se falen nel territoriu español.